"Умягчение злых сердец" ("Семистрельная")  


Празднование 26 августа
__________

Умягчи наша злая сердца, Богородице,/ и напасти ненавидящих нас угаси,/ и всякую тесноту души нашея разреши,/ на Твой бо святый образ взирающе,/ Твоим страданием и милосердием о нас умиляемся/ и раны Твоя лобызаем,/ стрел же наших, Тя терзающих, ужасаемся./ Не даждь нам, Мати Благосердая,/ в жестокосердии нашем и от жестокосердия ближних погибнути,/ Ты бо еси воистину злых сердец умягчение.

Молитва Божией Матери пред иконой Ее Семистрельной 

О Многоскорбная Мати Божия, превышшая всех дщерей земли по чистоте Своей и по множеству страданий, Тобою на земли пренесенных! Приими многоолезненныя воздыхания наша и сохрани нас под кровом Твоея милости, инаго бо прибежища и теплаго предстательства, разве Тебе, не вемы, но, яко дерзновение имущи ко Иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне, и присно, и во веки веков.
Аминь.

        Вернуться назад

Copyright © 2004 Просветительское общество имени схимонаха Иннокентия (Сибирякова)
тел.:(812) 240-26-49
E-mail: sobor49@bk.ru, http: //www.sibiriakov.sobspb.ru/