Память всех преподобных и богоносных отцов, во Святой Горе Афонской просиявших



Празднование - во 2-ю неделю по Пятидесятнице

Из службы святым, на Афоне просиявшим:

           Иже в телеси безплотнии и Божии воистинну человецы, Афон весь освятившии столпы Горы огненнии, стоящии с любовию и радостию пред Богоматерию Пречистою, яко созерцатели в Божественном видении, честнии отцы наши да восхвалятся.

Стихира на Великой вечерне, глас 5-й:

           Приидите вси сонмы монашествующих – тмочисленное воинство Давида, предводимое тысящами добродетелей, – сущих на Афоне отцев восхвалим, преподобных и иерархов, преподобномучеников и священномучеников, и всех вкупе, их же имена ведомы и не ведомы. Они бо воистинну делы и словесы и многообразным и равноангельным житием и благодатными дарами Божиими, показашася святи, и Горе сей нарицание святое даша, их же и гробы Бог чудесами и благоуханием и миром прослави. И ныне они, предстояще пред лицем прославившаго их Христа, молятся непрестанно о нас, с любовию совершающих светлое их празднество.

На малой вечерне. Слава, глас 6-й:

           Отцов, соделавших Гору небом, и показавших в ней житие ангельское проходити, и множества монахов в ней собравших, восхвалим вси, взывающе к ним: от всякия нужды и навета избавите нас, множество преподобных, Афонская похвало!

Икос:

           «Коль добро есть совокупление ваше отцы богомудрии! Коль красен и сладок общий сей ваш праздник, в немже вси в Горе сей просиявшии святии именуемии вкупе и не именуемии, общее благохваление, яко по духу братия, приемлете яко миро. Подобаше бо всяко во едином месте Господеви угодившим и во един день спраздноватися. Сего ради и мы, сущии во Афоне пустынножители и общежители, во едино сошедшеся, по долгу вас ублажаем: новии древних, сыны отцев, грешнии святых, согласно взывающе: место сие, еже во обитание себе избрасте, сохраняйте от всякаго зла, множество преподобных, Афонская похвало!»

Тропарь, глас 1:

           Пустыни Афонския отцы, / Ангелы во плоти, / исповедники вкупе и преподобныя, / святители же и мученики в пениих почтим, / подражающе добродетелем их, / зовуще согласно и глаголюще: / слава Прославльшему вы, / слава Венчавшему вы, / слава в бедах предстатели нам вы Показавшему.

Величание:

           Ублажаем вас, / преподобнии отцы Афонстии, / в Горе сей постившиися, / и чтим святую память вашу, / наставницы монахов / и собеседницы Ангелов.

www.pravoslavie.ru

        Вернуться назад

Copyright © 2004 Просветительское общество имени схимонаха Иннокентия (Сибирякова)
тел.:(812) 240-26-49
E-mail: sobor49@bk.ru, http: //www.sibiriakov.sobspb.ru/